Masobra 800 patay, halos tres mil pilason, sa pagtay-og sang magnitude 6 nga linog sa Afghanistan

Nagdangat na sa masobra 800 ka mga persona ang ginreport sang mga otoridad nga nagkalamatay kag masobra 2,800 ang pilason matapos ang pagtay-og sang isa ka magnitude 6.0 nga linog sa nasidlangan nga bahin sang Afghanistan sang Lunes, Setyembre 1, 2025.

Ang kalamidad ang mas napabug-at pa sa sitwasyon sa karun sang gobyerno sang Taliban nga nagapangatubang sang mabug-at nga krisis kaangay sang gutom kag pagdutay sang international nga bulig kag pagpapauli sang mga Afghan nagikan sa mga kaingod nga pungsod.

Suno sa tagpamaba sang health ministry nga si Sharafat Zaman, nagakinahanglan sila sang bulig nagikan sa nagkalain-lain nga pungsod agud marespondehan ang kalaparon sang damage.