8,718 ka mga Board of Election Inspectors (BEI) ang ginalauman nga magaserbe sa maabot nga May 9, 2022 National and Local Election sa bilog nga probinsya sang Negros Occidental.
Suno kay Provincial Election Supervisor Atty Roberto Salazar, pagabug-usan sang 2,906 ka mga clustered precinct ang pagabuksan sa probinsya kun sa diin tatlo ka mga BEI ang magaserbe sa kada presinto kag ini ang ginalakipan sang mga manunudlo nga magaserbe bilang Chairman kag ang duha ang members.
Luwas naman diri ang magaserbe nga mga support staff sa mga polling precinct.
May mga Department of Education (DepEd) Supervising Officer man sa tagsa ka mga eskwelahan nga masami amo ang prinsipal ukon Officer in Charge.
Ang mga manunudlo nga magaserbe ang makabatun man sang mga Honorarium kag pila ka mga allowances.
Kun sa diin, ang mga Board of Election Inspector (BEI) chairman ang may honorarium nga P7,000, samtang P6,000 sa members samtang P5,000 naman ang sa DepEd Supervising Officers.
Ang mga ini ang may natalana man nga travel, communication kag anti-COVID allowances.
Apang paathag ni Atty Salazar nga ang honorarium kag allowances ang subject sa 20 percent tax rate santo sa ruling sang Bureau of Internal Revenue (BIR).
Sumugod sang tinalikdan nga semana, ang mga magaserbe sa eleksyon ang amat-amat naman nga ginapaidalum sa refreshing training, ilabi na nga may mga nagretiro na nga nagaserbe sadto kag may mga panibag-o nga magaserbe sa maabot nga May 9, 2022 Elections.
