Nagdangat sa 2,697 ka pamilya ukon 9,171 ka indibidwal ang kabug-usan nga evacuees sa bilog nga Negros Occidental kasunod sang paglupok sang Bulkan Kanlaon As of 11:00 am.
Lima ka local government units ang may evacuees gikan naman sa 15 ka Barangay.
Ang pinakamadamo amo ang banwa ang La Castellana kun sa diin walo ka Barangay ang may evacuees.
Nagdangat sa 2,190 families ukon P7,294 individuals ang evacuees gikan sa Barangay Biak na Bato, Cabagnaan, Camandag, Masulog, Mansalanao, Sag-ang kag Maghanoy.
Isa naman ka Barangay ang may evacuees sa banwa sang Moises Padilla nga amo ang Barangay Odiong nga may apat ka pamilya ukon 36 ka indibidwal nga evacuees.
Duha ka Barangay sa Bago City nga ginalakipan sang Barangay Ilijan nga may 33 ka pamilya ukon 158 ka indibidwal, kag Barangay Mailum nga nagdangat sa 104 ka pamilya kag 402 ka indibidwal.
Duha man ka Barangay sa Pontevedra nga ginalakipan sang Barangay Gomez kag Zamora sa kabug-usan nga 420 ka pamilya ukon 722 ka indibidwal.
Barangay Araal kag Yubo sa La Carlota City nga nagdangat sa 357 ka pamilya kag 1,287 ka indibidwal.
Ginalantaw nga ini ang padayun pa nga magasaka sa padayun nga implementasyon sang forced evacuation.
