Indi magnubo sa 2,000 ka mga pamilya ang nawad-an sang puluy-an matapos nga ginlamon sang kalayo ang residential community sa Isla Puting Bato sa Tondo, Manila sang Domingo.
Suno kay Senior Inspector Alejandro Ramos, intelligence kag investigation chief sang Manila Fire Department, ang sunog ang nagguba sa ginabanta linibo ka mga pamalay sang ini ang nagsugod alas 8:00 sang aga.
Ang kalayo ang nag-escalate sa Task Force Charlie antes mag-udto kag nagtuga sang response nagikan sa fire marshals sa palibot sang Metro Manila region.
Nagdeploy man ang Philippine Air Force sang duha ka mga aircraft agud mag-assist sa firefighting efforts samtang apat ka dugang nga fire boats ang gin-utilize.
Suno kay Ramos, kalabanan sa mga pamalay sa area ang himo sa light, combustible materials bangud kalabanan sa mga residente ang informal settlers.
Nagdugang man sa paglapta sang kalayo ang makusog nga hangin.
Sa karun, wala pa sang may narecord nga fatalities apang may pipila ka mga bombero ang nakaangkon sang pilas.
