Nagdangat sa duha ka libo nga mga kapulisan ang nag-upod sa pagserbe sang warrant of arrest batok kay Pastor Apollo Quiboloy sa Kingdom of Jesus Christ (KOJC) Compound – Buhangin, Davao City alas-5:00 subong nga aga.
Nangin tensyonado naman ang pag-atubangay sang mga kapulisan kag mga miyembro sang simbahan nga nagapanindugan sang ila nga kinamatarong.
Suno kay Davao Regional Office Director Police Brig Gen. Nicolas Torre IIII, indi ini ang husto nga oras para sa debate kag ginasunod lamang nila ang mando sang korte.
Gintinguhaan naman sang KOJC members nga mag-ayo sa kapulisan apang sila ang wala na ginpamatian ni Torre kag nagdayun sa pagsulod sa compound.
Nahibaluan nga pormal na nga ginbawi sang KOJC ang ila nga suporta sa administrasyon ni President Ferdinand ‘Bongbong’ Marcos Jr. bangod sa mga ginahimo nga tikang sang mga kapulisan sa gwa sang mga pasilidad sang pastor.
Nakahanda man ang mga miyembro sang simbahan nga magmartsa sa gwa sang Malacañang.
Suno sa mga ini, wala sang utang nga kabalaslan si Marcos, nga ginbuligan sang media platform ni Quiboloy sang ini ang nagakampanya pa lamang.
