Masobra 100 ka mga job order casuals sa Bacolod City government ang nagfile sang Certificate of Candidacy para sa 2023 Barangay kag Sangguniang Kabataan Elections.
Pila naman ka mga job order casuals ang nalakip sa mga ginakabig na sa karon nga kandidato gani wala na ginrenew ang ila nga kontrata sa city government para sa bulan sang Oktubre bangud automatic ang ila nga resignation.
Suno kay Bacolod City Administrator Atty. Pacifico Maghari III, nadiscontinue na ang kontrata sang mga JO bangud boluntaryo man sila nga nagpahibalo nga sila ang nagfile sang COC.
Magadagdag man ini sang memorandum sa Sectoral Office nga magahatag sang instruction nga magpatigayon sang cross-checking sa masterlist sang Comelec kag siguruhon nga wala sang listahan sang mga job order casuals nga nagfile sang COC kag ginakabig na sa karon nga kandidato.
Suno kay Maghari, madamo man ang nagapila sa karon nga applicant agud nga mangin job order.
Sa kabug-usan, masobra 3,000 ang job order casuals sa Bacolod City government kag kalabanan nga departamento ang nabuhinan sang JO bangud nagfile sang COC.
Pananglitan nga mapierde, sarang pa sila maka-apply liwat agud nga mangin JO apang kinahanglan pa nga tapuson nila ang cooling off period.
