Masobra 1,000 ka mga Negrense ang nakigbahin sa BIDAlagan: A Negrense’s Advocacy Run Against Illegal Drugs nga initiative sang Department of the Interior and Local Government kaina sang kaagahon.
Nakigbahin sa nasambit nga aktibidad ang DILG Negros Occidental, Provincial Government of Negros Occidental, City Government sang Bacolod, Association of Chief Executives kag DepEd Negros Occidental.
Sa Provincial Capitol Lagoon ang starting point sang fun run kag ang turning point ang yara sa City Mall Mandalagan.
Nakigbahin ang nagkalain-lain nga mga ahensya gobyerno sa Negros Occidental lakip na ang mga uniformed personnel.
Nakit-an man ang presensya sang pila ka mga alkalde sa nagkalain-lain nga ciudad kag banwa sa probinsya.
Sa interview sang Bombo Radyo kay Kabankalan City Mayor Benjie Miranda, ginahapo-hapo pa ini nagikan sa pagdalagan apang suno diri, tuman ka sadya ang nasambit nga eksperyensya.
Ginhangkat sini ang mga Negrense nga suportahan ang ini nga initiative bangud kun hilway sa illegal nga druga ang barangay, suno sa alkalde, mangin matuod-tuod kita nga BIDA.
Ang BIDAlagan ang nagikan sa BIDA ukon “Buhay Ingatan, Droga’y Ayawan” program sang DILG.
