P1,088,000 nga balor sang illegal nga druga ang nakumpiskar sa buybust operation nga ginpatigayon sang Regional Police Drug Enforcement Unit 6 kag San Carlos City Police Station sa Sitio Tul-ang, Barangay Rizal, San Carlos City, Negros Occidental.
Sa impormasyon nga nakuha sang Bombo Radyo, ginkilala ang suspetsado kay Cesar Pasigay, 47 anyos kag residente sang nasambit nga lugar.
Si Pasigay ang ginakabig nga isa ka high value individual kag Top 8 drug personality sa ciudad sang San Carlos.
Nakuha sa iya paghinakop ang 13 ka mga sachet sang suspected shabu nga may kabug-aton 160 grams.
Sa karun ginausisa pa sang kapulisan kun diin nagikan ang illegal nga druga.
Si Pasigay ang nakahunong na sa San Carlos City Police Station kag natalana nga pasakaan sang kaso nga paglapas sa R.A. 9165 ukon Comprehensive Dangerous Drugs Act of 2002.
