Nagtanum sang masobra 4,000 ka puno sang kahoy ang Bacolod Environmental and Natural Resources Office (BENRO) sa Eco Park sa Barangay Felisa, Bacolod City.
Sa interview sang Bombo Radyo kay Ma. Fe Tres Fuentes, head sang BENRO, ginaamat-amat na nila tamnan sang puno ang Felisa Eco Park.
Suno kay Tres Fuentes nagdangat sa masobra kwatro mil ka mga puno ang ila nga ginpangtanum kag kalabanan diri ang fruit trees.
Suno diri ginapadamo nila ang fruit trees bangud luyag nila nga madevelop ang biodiversity conditions sang nasambit nga eco park.
Apang sa perimeter areas ang ginatanum sang mga ini ang hard wood ukon ang mga endangered species sang kahoy.
Madamo naman ang nagavolunteer nga magtanum sa eco park apang ang pagpanghangkat sa mga ini ang tree caring agud nga masiguro nga manubo ang gintanom nga mga puno.
Bangud sini nagapanawagan si Tres Fuentes sa mga organizations nga luyag mag-out reach kag may yara sang environmental programs open gid ang mga ini sa partnership indi lang para sa tree planting kundi sa tree caring man.
Pila sa gintanum sa lugar amo ang langka, lansones kag madamo pa sang iban.
Nagaikit ikit man ang pagtanum agud nga may bulos ang indi manubo kag ang kalaparon sang land area sang eco park ang nagdangat sa 8.5 hectares.
