Masobra P1.5 billion nga balor sang mga transaksyon nga ginpatigayon sa idalum sang administrasyon ni Mayor Evelio “Bing” Leonardia ang nakitaan sang “red flags” sang Truth Commission.
Suno kay Atty. Lyzander “Bong” Dilag, tagpamaba ni Mayor-elect Albee Benitez, nagapanguna sa 8 point agenda sang palaabuton nga alkalde ang anti-corruption.
Suno kay Dilag, nakitaan sang “red flags” Truth Commission ang masobra P1.5 billion nga transactions sa idalum sang termino ni Leonardia.
Ini ang ginalakipan sang mga cash grants kag mga cash advances nga nagapabilin nga unliquidated sa prescribed period; landill facilities kag sanitation services kun sa diin ang mga records ang nagapakita nga ginrelease ang public funds kag ginbayad sa mga contractors apisar nga wala sang supporting documents para sa accomplishments kag payments; construction in progress accounts kun sa diin may mga substantial discrepancies nga nagacover sang infrastructure projects sang Bacolod City; local disaster and risk reduction management funds kun sa diin may pondo nga gingamit agud magbakal equipments nga wala narekord bilang asset sa city’s book; supplies inventory account kun sa diin nagaproduce sang supplies kag materials apisar nga wala anay ginarekord ang ginabakal sang inventory account santo sa pagsulundan sang Commission on Audit; kag quick response funds nga gingamit agud magprocure sang mga proyekto nga wala man napanagtag sang nagtapos ang tuig.
Suno kay Dilag, magpungko si Benitez, magapagwa ini sang isa ka executive order nga nagahimo sang isa ka komitiba nga magabulig sa pagsiguro sang matinlo kag transparent nga gobyerno.
Ang nasambit nga komitiba ang magatsekyar sang mga transaksyon sang city government agud masiguro nga ang ihonor lamang amu ang nagacomply sa layi kag pagsulundan.
Suno diri, bilang isa ka alkalde, nakahibalo si Benitez nga iya responsibilidad ang pagsiguro nga mahalungan sang maayo kag ginagamit santo sa layi ang tanan nga taxes kag revenues sang Bacolod City.
