Nagdangat sa masobra P1.8 million ang balor sang suspected shabu nga narecover sa drug buybust operation nga ginpatigayon sa Purok Star Apple 2, Barangay 27, Bacolod City alas-10:31 kaina sang aga, kun sa diin anom ang naaresto.
Ang mga suspect amo sanday Jenica Zamora, 28 anyos, babayi, single, wala sang trabaho kag residente sa lugar kag ginakabig nga high value individual; Rocky Esparas alyas Tipoy, 32 anyos, wala sang trabaho kag residente sa Prk Taliban, Brgy Guanzing sa banwa sang Murcia; Josehope Abong alyas Jingle, 46 anyos lalaki, single, wala sang trabaho kag residente sang Prk Violeta, Brgy Taculing, Bacolod City; Terence Matavia alyas Ter, 39 anyos, lalaki, kasado, wala sang trabaho kag residente sa Prk Violeta, Brgy Taculing, Bacolod City; Kim Paul Espanola alyas Kim, 33 anyos, single, male, wala sang trabaho kag residente sang Prk Paglaum, Brgy Taculing, Bacolod City; kag Marlon Sase alyas Marlon, 39 anyos, lalaki, single, wala sang trabaho kag residente sang Prk Dahili-ugyon, Brgy 23, Bacolod City.
Ang operasyon ang ginpatigayon sang City Drug Enforcement Unit sang Bacolod City Police Office kun sa diin narecover ang tatlo ka bugkos sang plastic bag nga may unod nga ginapatihan shabu kasubong man ang 13 ka sachet sang suspected shabu kalakip na ang buybust item.
Ang suspected shabu ang ginabanta nagabug-at sang 270 grams nga may standard drug price nga P1,836,000.
