Masobra P1 million nga balor sang illegal nga druga ang nakumpiskar sa 26-anyos nga lalaki sa Rizal Extension, Purok Star Apple 2, Barangay 27, Bacolod City sa buybust operation nga ginpatigayon sang Special Unit 6 Philippine National Police Drug Enforcement Group kahapon.
Sa impormasyon nga nakuha sang Bombo Radyo, ginkilala ang subject person kay Mark Salmingo, high value individual kag residente sang nasambit nga lugar.
Nakuha sa iya paghinakop sini ang 12 ka medium kag 45 ka mga small heat sealed transparent plastic sachet sang suspected shabu kag isa ka knot tied plastic plastic sachet.
Ang nakumpiskar nga illegal nga druga ang nagabug-at sang 150 grams kag may estimated market value nga P1,020,000.
Sa karun si Salmingo ang yara na sa kustodiya sang Bacolod Police Station 4 kag magapangatubang sang kaso nga paglapas sa R.A. 9165 ukon Comprehensive Dangerous Drugs Act of 2002.
