Masobra P1 million nga balor sang suspected shabu, nakumpiskar sa ciudad sang Bacolod

Masobra sa P1.3 million nga balor sang illegal nga druga ang nakumpiskar sa 33 anyos nga tricycle driver sa Prk. San Jose 2, Brgy. Sum-ag, Bacolod City kaina alas- 12:56 sang kaagahon.

Ang suspetsado ang ginkilala nga si Roland Gargoles, ginakabig nga High Value Individual, kag residente sa nasambit nga lugar.

Nakuha sa paghinakop ni Gargoles ang 29 ka heat sealed transparent plastic sachet sang suspected shabu nga nagabug-at sang kapin 205 grams kag nagabalor sang P1,394,000.

Si Gargoles ang magapangatubang sang kaso sa paglapas sang section 5 kag 11 sang RA 9165 ukon Comprehensive Dangerous Drugs Act of 2002.