Nagdangat sa masobra P1 million ang balor sang suspected shabu nga narecover sa tatlo ka mga persona sa drug buybust operation nga ginpatigayon sa Purok Lubi, Barangay 3, Bacolod City alas-4:08 kaina sang kaagahon.
Pinaagi sa City Drug Enforcement Unit (CDEU) sang Bacolod City Police Office, naaresto sanday Moeses Cuadra, 22 anyos, single, wala sang trabaho, ginakabig nga high value individual (HVI) kag Erica Mae Salinas, 24 anyos, single, wala sang trabaho lunsay residente sang Prk Lubi, Brgy 3 kasubong man si Edron Navarro, 18 anyos, single, wala sang trabaho, residente sang Purok Tilapia, Brgy 3, Bacolod City.
Nakuha sa ila paghinakop ang duha ka nakabugkos nga plastic bag kag lima ka sachet sang suspected shabu kalakip na ang buybust items.
Ang suspected shabu ang ginabanta nagabug-at sang 150 grams kag may standard drug price nga P1,020,000.
