BACOLOD CITY-Gin-aprubahan na sang Sangguniang Panlalawigan ang proposed 2020 General Fund Supplemental Budget No. 1 sang probinsya nga nagabalor sang P181.2 million.
Suno kay Board Member Rommel Debulgado, chairman sang Committee on Finance and Appropriation, magakadto ang supplemental budget sa apat ka mga butang.
Ang P158 million ang gin-alokar sa pagpakaayo sang Panaad Park and Stadium bangud sa nakatalana nga pag-host sang probinsya sa Regional Athletic Association Meet kag Palarong Pambansa 2021.
Samtang, P10 million naman ang ginpa-in para sa logistical support kag pagpatukod sang opisina sang provincial consultant for investment and economic enterprise kag ang P13 million naman amo ang special program appropriation para sa pagpatigayon sang Panaad sa Negros Festival nga hiwaton sa Abril 20 tubtob 26.
