Kapin sa P2.9 million nga balor sang illegal nga druga ang nakumpiskar gikan sa 35 anyos nga lalaki sa drug buy bust operation sa Purok 1, Brgy Cangmating, banwa sang Sibulan, Negros Oriental sang Biyernes, alas- 11:18 sang gab-i.
Ang suspetsado ang ginkilala nga si alyas ‘Ren-ren’, kasado, residente sang Purok 2, Brgy Batinguel, ciudad sang Dumaguete, kag ginakabig nga High Value Individual.
Sa interview sang Bombo Radyo kay PLt Steophen Polinar, tagpamaba sang Negros Oriental Provincial Police Office (NORPPO), nakuha sa suspetsado ang kapin sa 422.6 grams sang suspected shabu nga ginabanta nagabalor sang P2,873,680.
Suno diri, madugay na nga ginamonitor ang giho ni alyas ‘Ren-ren’, kag natigayon nga madakpan sa drug buy bust operation.
Sa karun, ginahibalo pa kun diin ini nagakuha sang supply kasubong man nga ginatsekyar kun may mga rekord ang suspetsado sa iban nga lugar.
