Masobra sa P2 million nga balor sang illegal nga druga ang narekober sa duha ka asod-asod nga buybust operation sang City Drug Enforcement Unit (CDEU) kag Bacolod City Police Office (BCPO) sa ciudad sang Bacolod humalin kagab-i tubtob kaina sang aga.
Naaresto kagab-i sanday Jason Alit, 30 anyos, Charles Deber, 29 anyos, kag Johnrey Guion, 30 anyos sa Prk. Lubi, Brgy. 3, Bacolod City, alas- 10:29 kagab-i.
Nakuha sa tatlo ang kapin sa 150 ka gramos sang suspected shabu nga may standard drug price of nga P1,020,000.
Samtang, naaresto man si Kenneth Jacosalem, 31 anyos, sa Prk Gonzaga Ext., Brgy Taculing, Bacolod City, kaina alas- 12:49 sang kaagahon sa Prk Gonzaga Ext., Brgy Taculing, Bacolod City.
Nakumpiskar kay Jacosalem ang kapin sa 220 ka gramos sang suspected shabu nga may standard drug price nga P1,496,000.
