Narecover balor P204,000 nga suspected shabu sa 24 anyos nga babayi sa drug buybust operation nga ginpatigayon sa Purok Tahong, Barangay 2, Bacolod City alas-4:30 kaina sang kaagahon.
Ang subject person ang ginkilala nga si Maris Maravilles, 24 anyos, single, wala sang trabaho kag residente sa nasambitan nga lugar.
Narecover sa suspect ang 11 tanan ka sachet sang suspected shabu kalakip ang buybust item.
Nakumpiskar ang ginabanta 30 gramos sang suspected shabu nga may ginabanta street value nga P204,000.
Si Maravilles, nga ginakabih high value individual ang sa karun nakahunong na sa Bacolod Police Station 2 kag ginaproseso na ang pagpasaka sang kaso may kaangtanan sa paglapas sa Republic Act 9165 ukon Comprehensive Dangerous Drugs Act of 2002.
