Masobra P3.3 million nga suspected shabu, narecover sa 33 anyos nga babayi sa Brgy 7, Bacolod City

Masobra P3.3 million nga suspected shabu ang narecover sa drug buybust operation sa Purok. Tangkong, Barangay 7, ciudad sang Bacolod, kaina alas-12:58 sang kaagahon.

Ginkilala ang suspetsado nga si Danelyn Lopez, 33 anyos wala sang trabaho, kag residente sang nasabit nga lugar.

Nakuha sang iya paghinakop ang 18 ka sachet sang suspected shabu, kalakip na ang buybust item.

Ang suspected shabu ang may kabug-aton nga 475 grams nga may standard drug price nga P3,320,000.

Si Lopez nga ginakabig nga High Value Individual (HVI) ang magapangatubang sang kaso nga paglapas sang section 5 kag 11 sang RA 9165 ukon Comprehensive Dangerous Drugs Act of 2002.