Kapin P3.4 million nga balor sang illegal nga druga ang nakumpiskar sa isa ka 22 anyos nga lalaki sa ginpatigayon nga drug buybust operation sang Philippine Drug Enforcement Agency (PDEA) sa Barangay 10, Bacolod City kahapon.
Ang nadakpan ang ginkilala kay Noel Palacios, residente sang Barangay 3, ciudad sang Bacolod.
Suno kay Palacios, siya ang ginpalapitan sang iya kilala nga ginkilala nga si Moises kun sa diin siya ang ginpamangkot kun luyag niya nga makakwarta.
Gilayon man ini nga nagsugot sa nangin offer.
Ginduhol sa suspetsado ang illegal nga droga kag P5,000 nga cash nga suno sa iya, pagagamiton kuntani sini bilang dugang nga inugbakal sang gatas para sa iya nga bata.
Gin-ako man sini nga iya nahibaluan nga illegal nga druga ang unod sang bag, apang wala ini nakahibalo kun pila ka gramos sang droga ang iya nga igadeliver.
Nakuha sa bag sang suspetsado ang pila ka ice wrapper nga naga unod sang suspected shabu kag ini ang nakaputos sa kalendaryo.
Ginabanta nga nagabug-at sang 500 gramos ang nakumpiskar nga illegal nga druga kag nagabalor sang kapin P3.4 million.
Sa karun ini na ang pinakadako nga balor sang illegal nga druga nga nakumpiskar para sa tuig 2023 sa siyudad sang Bacolod.
