Masobra P300,000 nga balor sang illegal nga druga ang nakumpiskar sa buybust operation nga ginpatigayon sang San Carlos City Police Station sa Purok Maabi-abihon, Barangay Balintawak, Escalante City.
Sa interview sang Bombo Radyo kay Police Captain Roger Pama, deputy station commander sang San Carlos City Police Station, ginakabig nga high value individual si Mel Gleen Vista, 26 anyos, isa ka negosyante kag residente sang Phase 4, Fatima Village, Barangay Rizal, San Carlos City.
Nakaagi naman ini priso sa kaangtanan sa illegal nga druga.
Suno kay Pama, antes ang operasyon, may nagluntad pa nga komosyon apang ila naman ini naclear.
Nakuhaan ini sang 11 ka mga heat sealed transparent plastic sachet sang suspected shabu, duha ka mga small heat sealed transparent plastic sachet sang suspected shabu kag mga drug paraphernalia.
Ang nakumpiskar nga illegal nga druga ang ginabanta nagabug-at sang 55 grams kag may estimated market value nga P374,000.
Sa karun nakahunong ang suspetsado kag natalana nga pasakaan sang kaso nga paglapas sa R.A. 9165 ukon Comprehensive Dangerous Drugs Act of 2002.
