Masobra P300K nga suspected shabu, nakumpiskar sa Negros Oriental

Masobra 300 mil pesos nga balor sang suspected shabu kag marijuana ang nakumpiskar sang kapulisan sa buybust operation sa Dauin, Negros Oriental kahapon.

Duha ka mga suspetsado ang naaresto sang mga kapulisan kun sa diin nakuhaan ang mga ini sang 52 grams sang suspected shabu nga nagabalor sang P353,600 kag 2 grams sang marijuana nga nagabalor naman sang P110

Ginkilala ang mga naaresto nga sanday Ricky Alabata, 42-anyos kag Sheila Berondo, 29.

Nakuha sa mga suspetsado ang 7 transparent sang suspected shabu, isa ka plastic pack nga may dried marijuana leaves, tooter, pouch, kag weighing scale sa buybust nga ginpatigayon sa Poblacion, Dauin kahapon.