Narecover ang masobra P4.5 million nga balor sang suspected shabu sa sub-leader sang Kaunda Gang sa drug buybust operation nga ginpatigayon sa Purok Nami-Nami 1, Barangay Sum-Ag, Bacolod City alas-5:41 kaina sang aga.
Sa pagpanguna sang City Drug Enforcement Unit sang Bacolod City Police Office, madinalag-on nga naaresto si Faisal Sacar, 24 anyos, single, wala sang trabaho, kag residente sa Islamic Compound, Brgy 31, Bacolod City.
Ang subject ang nakilala man nga sub-leader sang Kaunda Gang nga imbulbado sa illegal drug trade.
Narecover sa paghinakop sang suspect ang siyam ka nakabugkos nga plastic bag kag lima ka sachet sang suspected shabu kalakip ang buybust item.
Ang supected shabu ang ginabanta nagabug-at sang 675 gram kag may standard drug price nga P4,590,000.
Ang suspect ang natalana nga mangatubang sang kaso may kaangtanan sa paglapas sa Republic Act 9165 ukon Comprehensive Dangerous Drugs Act of 2002.
