Masobra P4 million nga balor sang illegal nga druga ang nakumpiskar sang Bacolod City Drug Enforcement Unit sa mga buybust operation nga ginpatigayon sa bulan sang Abril.
Sa interview sang Bombo Radyo kay Police Lt. Joven Mogato, head sang CDEU, 677 gramos sang suspected shabu ang kabug-usan nga nakumpiskar sa mga drug buybust operation sang tinalikdan nga bulan.
Suno kay Mogato, ang mga operasyon ang ginpatigayon sa Barangay Singcang Airport, Barangay Sum-ag, Barangay Tangub kag Barangay Banago.
Suno sa iya, kapin P3.4 million nga balor sang suspected shabu ang ila nakumpiskar sa Barangay Banago.
Sa apat ka mga operasyon nga ginpatigayon, tatlo sa mga suspetsado ang high value individual kag isa ang street level individual.
Sa karun suno sa iya, ila pa ginavalidate ang mga reports nga ila nagakabaton tuhoy sa iban pa nga mga subject person.
Suno diri, kalabanan sa mga subject person ang nakaagi na priso.
