Masobra sa P450,000 nga balor sang illegal nga druga nakumpiskar sa duha ka lalaki sa Purok Neptune, Brgy. Singcang-Airport, ciudad sang Bacolod, kahapon.
Ang mga suspetsado ang ginkilala nga sanday Jil Lumawag, alyas “Boi”, 32 anyos, wala sang trabaho, residente sang nasambit nga lugar; kag Marlon Jalon, 38 anyos, wala sang trabaho kag residente sang Brgy Tumaga, Zamboanga City.
Sa interview sang Bombo Radyo Bacolod kay Police Captain Genus David, deputy head sang Bacolod City Drug Enforcement Unit, madugay na nga ginamonitor ang subject person nga si Lumawag bangod masami ini nga nagakadula samtang nagapadayon ang monitoring.
Samtang, si Jalon naman nga taga Zamboanga City, ang nagpadulong sa ciudad sang Bacolod para mangita sang trabaho apang na-involved sa illegal nga druga.
