Nagdangat sa masobra P400,000 ang balor sang suspected shabu nga narecover sa duha ka lalaki sa Purok Herbabuena, Barangay Mandalagan, Bacolod City.
Ang drug buybust operation ang ginpatigayon sang City Drug Enforcement Unit sang Bacolod City Police Office (BCPO) ala-1:37 kaina sang kaagahon.
Ang naaresto amo sanday Renato Taleon Jr. alyas Doydoy, 38 anyos, single, wala sang trabaho, residente sa lugar; kag si Albert Niel Vista alyas Choco, 34 anyos, single, wala sang trabaho kag residente sang Purok 9, Barangay Aguisan, Himamaylan.
WATCH: https://www.facebook.com/share/r/17MewEByjF/
Narecover sa duha ang 15 ka heat sealed transparent plastic sachet sang suspected shabu, lakip na ang buybust item.
Ang suspected shabu ang ginabanta nagabug-at sang 60 gramos nga may standard drug price nga P408,000.
Ang duha ang mangatubang sang kaso sa paglapas sa Republic Act 9165 ukon Comprehensive Dangerous Drugs Act of 2002.
