Narekober sang Bureau of Customs-Customs Intelligence and Investigation Service (BOC-CIIS) sang tinalikdan nga adlaw ang P5.5 billion nga balor sang ilegal nga gin-import nga mga sigarilyo kag iban pa nga peke nga mga produkto.
Ini ang kasunod sang ginpatigayon sang nasambit nga ahensya nga raid sa isa ka warehouse.
Suno kay BOC-CIIS Director Verne Enciso ginkasa sang ahensya ang operasyon santo man sa Letter of Authority (LOA) ni Customs Commissioner Bienvenido Rubio matapos nakabaton sila sang impormasyon nga ang nasambit nga warehouse sa Meycauayan, Bulacan ang may yara sang mga “imported cigarettes” kag iban pa nga mga peke nga produkto.
Suno pa kay Enciso kalakip sa mga nakumpiskar nila nga mga peke nga mga produkto ang pila ka mga gadgets, devices kag mga garments.
