Masobra P6 million nga balor sang suspected shabu nakumpiskar sa 41 anyos nga lalaki sa Brgy 2, Bacolod City

Masobra sa P6 million nga balor sang suspected shabu nakumpiskar sa 41 anyos nga lalaki sa Purok Lampirong, Barangay 2, Bacolod City, kaina alas- 3:52 sang kaagahon.

Ang nadakpan ang ginkilala nga si Robert Villanueva Delos Santos, single, wala sang trabaho, kag residente sang Purok 42, Bayanihan, Brgy. Villamonte, Bacolod City.

Nakumpiskar kay Delos Santos ang kapin sa isa ka kilo sang suspected shabu nga may standard drug price nga P6,800,000.

Siya ang magapangatubang sang kaso nga RA 9165 section 5 and 11.