Masobra sa P700,000 nga balor sang illegal nga druga ang nakumpiskar sa duha ka mga lalaki nga naaresto sa Drug Buy Bust Operation sang PNP Drug Enforcement Group sa isa ka lodging house sa Purok Macanpiña, Brgy 6, ciudad sang Bacolod, kagab-i, alas 7:25 sang gab-i.
Ang mga suspetsado ang ginkilala nga sanday Christian Lachica, 22 anyos, nagatrabaho bilang construction worker, residente sang Purok Boulevard, Brgy 13, Bacolod City kag Jemmuel Lucanilao, 23 anyos, nagatrabaho bilang event organizer, kag residente sang Alunan Corazon Avenue, Purok Sunshine, Brgy 36, Bacolod City.
Nakumpiskar sa duha ang kapin sa 107 grams sang suspected shabu nga ginabanta nagabalor sang P727,600.
Sa karun yara na sa kustodiya sang Bacolod Police Station 2 ang duha ka suspetsado nga magapangatubang sang kaso nga pagbayolar sa RA 9165 ukon Comprehensive Dangerous Drugs Act of 2002.
