Masobra P700K nga balor sang suspected shabu, narecover sa 52 anyos nga babayi sa Prk Lampirong, Brgy 2, Bacolod City

Narecover ang masobra P700,000 nga balor sang suspected shabu sa 51 anyos nga babayi sa drug buybust operation nga ginpatigayon sa Purok Lampirong, Barangay 2, Bacolod City alas-8:38 kagab-i.

Ang subject person ang ginkilala nga si Alyas Inday ukon Tats, 52 anyos, kasado, wala sang trabaho, kag residente sa nasambit nga lugar.

Ang operasyon ang ginpatigayon sang City Drug Enforcement Unit sang Bacolod City Police Office (BCPO-CDEU).

Narecover sa iya ang 10 ka sachet sang suspected shabu nga ginabanta nagabug-at sang 105 grams nga may standard drug price nga P714,000.

Si Inday ang magapangatubang sang kaso sa paglapas sa Republic Act 9165 ukon Comprehensive Dangerous Drugs Act of 2002.