Masobra P700K nga balor sang suspected shabu, narecover sa 40 anyos nga lalaki sa Brgy 3, Bacolod City

‎Nagdangat sa masobra P700,000 ang balor sang suspected shabu sa drug buybust operation nga ginpatigayon sa Prk Nangka 1, Brgy 3, Bacolod City alas-11:47 kagab-i.

Ang subject person ang ginkilala nga si Alyas Nido ukon Digo, 40 anyos, single, wala sang trabaho kag residente sa lugar.

Ang operasyon ang ginpatigayon sang City Drug Enforcement Unit sang Bacolod City Police Office.

Nakuha kay Nido ang duha ka knot tied kag anom ka heat-sealed transparent plastic sachet sang suspected shabu.

Ang suspected shabu ang ginabanta nagabug-at sang 105 grams nga may standard drug price nga P714,000.