Nagdangat sa masobra P800,000 ang balor sang suspected shabu nga narecover sa isa ka store caretaker sa Purok Mapisanon, Barangay Lantad, Silay City.
Ang suspetsado ang ginkilala lamang nga si Alyas Philip, 41 anyos, single kag residente sa nasambitan nga lugar.
Ang drug buybust operation ang ginpangunahan mismo ni Police Lt. Col Mark Anthony Darroca, ang hepe sang Silay City Police Station.
Narecover sa suspetsado ang tatlo ka sachet sang suspected shabu kalakip na ang buybust item.
Ang suspected shabu ang ginabanta nagabug-at sang 120 grams kag may standard drug price nga P816,000.
Sa karun nakahunong na si Philip sa kustodiya sang Silay City Police Station.
Ang mga suspected drug items ang gindala naman sa Negros Occidental Forensic Unit para sa laboratory examination.
