Masobra sa 30 ka buluthuan sa banwa sang La Castellana kag Moises Padilla ang nagpatigayon sang modular learning samtang yara pa sa evacuation centers ang mga residente nga apektado sang paglupok sang bulkan Kanlaon.
Sa interview sang Bombo Radyo Bacolod kay Ian Arnold Arnaez, public information officer sang Department of Education division of Negros Occidental, sa banwa sang La Castellana may 23 ka mga buluthuan ang nag face to face class na apang may 11 pa nga nagpabilin nga nagapatigayon sang modular learning.
Suno diri, sa Moises Padilla may masobra nga 20 ka buluthuan nga modular learning lang gid ang klase.
Suno kay Arnaez, naga-adjust ang DEPED para sa mga kabataan nga indi na sila mabudlayan pa sa pag-eskwela bangod nga indi man mahapos ang ila sitwasyon sa karun.
Nagpanugyan lamang ini nga taposon ang ila modules kag ipasa antes ang deadlines.
