Arestado ang duha ka persona nga nakuhaan sang tunga sa milyon nga balor sang illegal nga druga kun sa diin naglapas man ang duha sang armas luthang sa Sitio Peñahon, Barangay Mina-utok, Calatrava, Negros Occidental, sang Sabado, alas-10:54 sang aga.
Ang mga nadakpan ang ginkilala nga sanday alias Nene, 56 anyos, kasado, kag alias Abu, 22 anyos, single kag residente sang Sitio Bigcat, Barangay Minapasuk, Calatrava.
Sa interview sang Bombo Radyo Bacolod kay Police Major Wilfredo Benoman Jr., hepe sang Calatrava Municipal Police Station, ginakabig nga High Value Individual ang duha ka mga nadakpan matapos makuhaan sang kapin sa 83 ka gramos sang suspected shabu nga may standard drug price nga P564,400.
Nakuha sa paghinakop ni alias Nene ang isa ka elongated heat sealed transparent plastic sachet sang suspected shabu nga amo ang buy bust item kag isa ka big heat-sealed transparent plastic sachet sang suspected shabu, samtang nakuha man sa iya ang isa ka unit sang caliber .38 revolver nga may apat ka rounds sang live ammunition.
Nakumpiskar naman kay alias Abu ang tatlo ka heat-sealed transparent plastic sachet sang suspected shabu kag isa ka caliber .45 pistol kag isa ka magazie nga loaded sang duha ka rounds sang live ammunition.
Suno kay Benoman, magapangtubang sang kaso ang duha sa paglapas sa RA 9165 ukon Comprehensive Dangerous Drugs Act of 2002 kag RA 10591 in relation sa Omnibus Election Code (Gun Ban).
