Masobra tunga sa milyon nga balor sang suspected shabu, narecover sa 35 anyos nga lalaki sa Brgy 39, Bacolod City kaina sang kaagahon

Masobra tunga sa milyon ang balor sang suspected shabu nga narecover sa 35 anyos nga lalaki sa drug buybust operation nga ginpatigayon sa 15th Kapitana Dicang Street, Barangay 39, Bacolod City alas-12:16 kaina sang kaagahon.

Ang subject ang ginkilala nga si Oscar Ledesma III, 35 anyos, single, unemployed kag residente sa nasambitan nga lugar.

Sa operasyon sang City Drug Enforcement Unit sang Bacolod City Police Office, narecover ang walo ka sachet kag isa ka knot tied plastic bag sang suspected shabu nga ginabanta nagabug-at sang 80 gramos nga may standard drug price nga P544,000.