May patigayunon nga massive cleaning kag clearing operation bwas nga adlaw sa bilog nga ciudad sang Bacolod.
Suno kay Bacolod City Lone District Congressman Alfredo Benitez, kapin 3,000 ka river warriors ang ideploy para sa cleaning kag clearing operations.
May yara sang 558 ka personnel nga amo ang maga-man sa 200 ka equipment nga gamiton.
Ang ini nga operasyon ang pagapangunahan sang Department of Public Works and Highways (DPWH), opisina ni Congressman Benitez kag Local Government Unit sang ciudad sang Bacolod.
Suno sa kongresista, ginpresenta sang DPWH ang ila operation sa Oplan Kontra Baha para sa short term solution sa pagbaha sa ciudad.
Yara sa proposed interventions ang dredging sang waterways kag declogging sang mga drainage.
Suno kay Benitez, ang sa long term solution naman mahimo nga sa tuig 2027 pa maumpisahan matapos ginkansela ang mga flood control project para sa tuig 2026.
Samtang, mapadulong kun tani si President Ferdinand Marcos Jr diri sa ciudad sa Nobyembre 28 apang napostpone ini sa Disyembre 5.
