Gin-imbitar ang Masskara dancers sang Brgy Granada, Bacolod City bilang guest performer sa Sinulog Festival sa Cebu City.
Sa interview sang Bombo Radyo Bacolod kay Punong Barangay Armando “Nogi” Vito, Punong Barangay sang Barangay Granada, ang dancers ang magabyahe sa Enero 15 agud magperform sa Cebu.
Suno diri, ini na sa karun ang ikaduha nga kahigayunan nga gin-invite sila bilang guest performer.
Apang, may gin-adjust lamang sa props nga ginbuhinan, agud indi mabudlay ang ila byahe kag nagpasalig naman ang Punong Brgy nga indi ini maka-apekto sa ila performance.
Naghatag naman sang P1.5 million nga subsidy ang Cebu para sa Masskara dancers.
Sa karun may yara sang nagtawag sa ila para magperform man sa Canada kag Japan apang ini ang igakumpirmar pa.
Pahayag ni Vito, makabig nga pang-world class ang Masskara festival.
