-- ADVERTISEMENT --
Generally peaceful kag wala sang major incidents nga narekord ang kapulisan sa ginpatigayon nga Masskara Festival 2023.
Sa interview sang Bombo Radyo kay Bacolod City Police Office director Police Col. Noel Alino, nangin madinalag-on ang trabaho sang Bacolod City Police Office kasubong man ang mga gin-augment nga police personnel.
Suno kay Alino, yara ang pagka-alerto kag preparasyon sang BCPO sa ila trabaho kag pag-maintain sang peace and order sa Masskara Festival kag nakontrol sang kapulisan ang kadam-an sang mga tawo kag pagpalapta sang ila presensya.
Nakita man ang maayo nga preparasyon sang BCPO sa ermergency reponse kag pagsiguro sa safety sang mga Bacolodnon kag mga turista.
