Nagpasalig ang chairperson sang Committee on Tourism sa Sangguniang Panlungsod sa ciudad sang Bacolod nga madamo sang activities kag wala sang boring nga selebrasyon sa Masskara Festival 2024.
Sa interview kay Councilor Jason Villarosa, ginalauman sini ang pagdagsa sang mga tawo subong nga adlaw sa grand salubong sang 45th Masskara Festival.
Karon, alas- 4:00 sang hapon may yara sang caravan nga patigayunon halin sa Brgy Singcang Airport, nga magalibot sa Bacolod City Public Plaza kag magapadulong sa Bacolod City Government Center.
Suno kay Villarosa, preparado na ang apat ka festival sites nga amo ang BCGC; Bacolod City Public Plaza; Upper East, MegaWorld; kag Lacson St.
Kasubong man nga nakaplastar na ang mga kiosko sa BCGC kag Plaza kun sa diin may yara sang additional sa slots sang kiosko bangod nga madamo sang nag-avail.
Pahayag sang konsehal, subong nga Masskara Festival mas madamo sang national artist, banda kag actitvities nga ginpreparar ang ciudad amo nga wala sang boring nga adlaw humalin sa pag-umpisa sang selebrasyon tubtob nga matapos ang Masskara festival.
Samtang, naaprubahan na ni Bacolod City Mayor Alfredo ‘Albee’ Benitez ang P700,000 subsidy para sa mga brgy nga magapasakop sa Street Dance and Arena competition.
Ang mga barangay nga maga-compete amo ang Brgy Granada, 21, 35, 6,12, Bata kag Brgy 18.
