Preparado kag dedikado ang kapulisan sa paghatag sang security sa pagpatigayon sang Masskara Festival 2024.
Kahapon ginpatigayon ang send off ceremony sa masobra 1,000 ka mga personnel nga ginalakipan sang Bacolod City Police Office, Bureau of Fire Protection (BFP), Philippine Coast Guard (PCG), Philippine Army (PA), Highway Patrol Group (HPG) kag force multiplier.
Suno kay Police Regional Office 6 Director Police Brig. Gen. Jack Wanky, ang send off ceremony ang antisipasyon sang kapulisan agud mapabilin ang peace and order sa Masskara Festival.
Suno diri, ang Masskara festival ang indi isa ka ordinaryo nga selebrasyon kag isa ka challenge para sa ila nga matapos nga succesfull ang selebrasyon.
Suno pa diri, sang tinalikdan nga tuig, natapos ang Masskara festival nga wala sang major incidents amo sa karun tinguhaan sang kapulisan nga malab-ot ang accomplishment nga matapos nga malinong ang selebrasyon.
Pahayag ni Wanky, magapatuman sang less day off kag additional duty time ang mga personnel agud nga ma-maximize ang deployment.
Pasalig sini nga preparado kag dedikado sila sa pagbulig nga mangin memorable ang selebrasyon sang Masskara Festival 2024.
