Mahina ang baligyaanay sang Masskara souvenirs sa dalan San Juan, Bacolod City, kasunod sa katapusan nga adlaw sang Masskara Festival 2023 kahapon.
Sa interview sang Bombo Radyo kay Jonar Dela Cruz, pigaw ang baklanay sang ila mga baligya apisar nga nagtakop na ang Masskara Festival.
Suno diri, madamo sang mga tawo apang kalabanan man diri ang nagalagaw lang kag wala man nagabakal kasubong man nga madamo sang Masskara sites kun sa diin nagalapta man ang mga tawo.
Pahayag ni Dela Cruz, nabalik lang sa ila ang ila kapital apang magamay ang ila ginansya.
Indi man lang si Dela Cruz ang nakaekspersya sang mahina nga baligya-anay apang madamo pa sang vendors ang may mahina man nga negosyo.
Ginalauman sini sa karun nga makabawi bisan papaano samtang nga sila ginpahanugotan nga magbaligya tubtob sa Oktubre 30.
Sa karun nagaginansya lamang ini sang P3,000 tubtob P5,000 sa isa ka adlaw, apang sang nakaligad nga tuig nagadangat sa kapin P12,000 tubtob P15,000 ang ila maginansya.
