Nangin madinalag-on ang ginpatigayon nga Handog ng Bombo Radyo at Star FM sa Masskara Festival 2026, MASSRAKRAKAN: A showdown of local bands in Negros Island Region sa Bacolod City Public Plaza kagab-i, Oktubre 15.
Antes ang pormal nga pagsugod sang battle of the bands, nagperform live ang casts sang Toyang Ermitanya nga naghatag sang yuhom kag kalipay sa mga tumalan-aw.
Nangin maayo ang tiyempo, gani madamo sang mga tumalan-aw ang nag-jamming kag nag-enjoy sa performances sang mga banda.
Walo ka mga local bands ang nagpa-indis indis sang ila mga performances.
Una nga nagperform ang grupo sang Drumskin, ginsundan sang Project A Band, Colegio San Agustin Bacolod- Kamighon, The Johnny’s, Thunderwave, Dishband, Symmetric Symphony kag Aja.
Nakuha sang Drumskin ang kampeonato kun sa diin sila ang nagbaton sang P40,000 nga premyo.
1st runner up naman ang Symmetric Symphony nga nagbaton sang P30,000.
Samtang 2nd runner up naman ang Colegio San Agustin Bacolod- Kamighon nag nagbaton sang P20,000.
May consolation prices man nga nabaton ang mga grupo nga wala nangin mapalaron.
