Aprubado na sang National Electrification Administration ang ginpagwa nga masterlist para sa pagpadayon sang plebisito sa Joint Venture Agreement sa tunga sang Central Negros Electric Cooperative (CENECO) kag Prime Electric.
Suno kay CENECO acting general manager Atty. Arnel Lapore, gikan sa 192,000 yara nalang sa 177,737 ang yara sa final nga listahan sang mga member-consumer nga mahimo makaboto sa plebisito matapos ang cleasing nga ginpatigayon.
Suno kay Lapore, pila sa mga ginkakas ang mga may yara sang double registration, mga nagkalamatay na, ang mga kabataan nga nagsalo sang membership, kag ginbuhin man sa listahan ang mga street lights.
Ang plebiscito patigayunon sa Agosto 19 kag 20; Agosto 26 kag 27 kag sa Setyembre 2 kag 3.
Wala naman sang pinagbag-o sa precint assignments apang may yara lamang sang dugang sa Barangay Singcang-Airpport.
Pahayag ni Lapore, dako na ang oportunidad nga mag-partsipar ang mga pumuluyo sa pagboto sa plebisito.
