Gin-aresto na sang National Bureau of Investigation (NBI) ang isa ka gina-alegar mastermind sa pagpapatay kay Negros Oriental Governor Roel Degamo.
Suno kay Justice Secretary Jesus Crispin Remulla, ang kaso ang 99 porsyento na nga solved.
Pahayag ni Remulla nga nahimo nga madakop sang NBI ang isa ka main player, apang wala pa ang mga ini sang may ginpagwa nga pangalan.
Wala na naghatag pa sang dugang nga impormasyon ang Justice Secretary apang ginpahayag sini nga ila ipagwa ang detalye sa Lunes.
Paathag ni Remulla nga ini ang individual authorities nga ila nga ginapangita sa umpisa pa lamang santo sa mga statements nga nagikan sa mga suspetsado nga una na nga yara sa ila nga kustodiya.
Dugang pa sini nga humalin Day One, luyag na nila nga makabahin sa madakpan ang nasambit nga mastermind kag ini ang natutukan, gani ginapasalamatan sini kag ginadayaw ang NBI.
Suno diri, ang mga statements gikan sa mga nadakop nga suspects amo ang naghatag sang giya agud nga sila ang madasig nga makahulag.
Suno kay Remulla, ang nasambit nga mastermind ang nagpalagyo na gikan sa Negros Oriental kag ini ang ila nga ginlagas sa nakaligad nga tatlo ka semana.
Dugang pa sang Justice Secretary nga wala na nagpamatok pa ang suspetsado sang siya ang gin-aresto.
Apang paathag ni Remulla nga dapat gihapon lagson sang mga otoridad kun may-ara pa sang dugang nga mga masterminds.
Suno diri, wala pa matapos ang operasyon apang ginaseguro sini nga ensakto ang mga tawo nga ila gindakop, kag ang mga luyag pa nga madakpan.
