Mastermind sa pagpatay kay Negros Oriental Governor Roel Degamo nga nadakpan, ginpangalanan na; kabug-usan nga nadakpan nga suspetsado nagdangat na sa 12

Nagdangat na karon sa 12 ka mga suspek ang gina-uyatan sang otoridad angot sa natabo nga Pamplona massacre nga nagtuga sang kamatayon ni Negros Oriental Gov. Roel Degamo kag walo ka iban pa.

Kahapon, ginpagwa ni DILG Secretary Benhur Abalos ang litrato ni Marvin Miranda nga nadakpan kag ginatudlo nga co-mastermind sa pagpatay kay Degamo.

Si Miranda ang anay security aide ni Negros Oriental Third District Congressman Arnie Teves.

Pahayag ni Abalos nga sandig sa instruction ni certain ‘Boss Idol, Big Boss, Kalbo’ siya ang nag-recruit sa mga suspek kag amo man ang naghatag sa ila sang logistical material support sang plano kag execution sang assassination plot kay Degamo.