Naghatag sang special awards ang Miss Universe Organization sa ginpatigayon nga 73rd Miss Universe preliminary competition.
Ang competition ang ginapatigayon sa Mexico kag sa preliminary round nagpa-indis indis ang 125 ka mga delegates gikan sa bug-os nga kalibutan sang ila national costumes, swimwear, kag evening gowns.
Matapos ang evening gown portion, ginpatigayon ang special awarding ceremony sa pagkilala sa national organizations kag competing beauty queens.
Ginkilala bilang Best National Director si Dennis Dávila sang Canada samtang nagbaton naman sang Beyond the Crown Award si Yizette Cifredo sang Puerto Rico.
Nagbaton naman sang Best National Pageant ang Vietnam samtang ginkilala bilang Best National Host Tour Country ang Pilipinas kun sa diin ginbaton ni Jonas Gaffud ang award.
Nagdaog naman para sa Voice for Change competition sanday Juliana Barrientos sang Bolivia, Ana Gabriela Villanueva sang Guatemala, kag Davin Prasath sang Cambodia nga lunsay mga Gold Winners.
Silver winners naman amo sanday Anouk Eman sang Aruba, Saran Bah sang Papua New Guinea, Opal Suchata Chuangsri sang Thailand, Matilda Wirtavuori sang Finland, Snit Tewoldemedhin sang Eritrea, Raegan Rutty sang Cayman Islands kag Shereen Ahmed sang Bahrain.
Ang coronation sang Miss Universe ang patiagayunon subong nga adlaw, alas- 10:00 sang aga.
Ang pambato sang Pilipinas amo si Chelsea Manalo kag siya ang magacompete para mangin ika lima nga Miss Universe winner sang pungsod.
