Gin-anunsyar sang Department of Agriculture ang plano sini nga panubuan ang maximum suggested retail price sang imported rice sa P2 per kilo sumugod sa masunod nga bulan, matapos ang pagnubo sa presyo sang commodity sa global market.
Suno sA DA, nagaplano ini nga buhinan ang MSRP sang imported nga bugas sa P43 per kilo sumugod Hulyo 1, 2025 nagikan sa P45 per kilo sa karun nga nagtake effect sang Marso 31, 2025.
Madumduman sa ginpagwa ni President Ferdinand Marcos Jr. nga Executive Order 62 sang Hunyo 2024, nagnubo ang tariff rates para sa bugas sa 15 percent tubtob 2028 nagikan sa 35 percent.
Sa isa ka vlog nga ginrelease sini sang Domingo, ginpahayag ni Marcos nga madamo pa ang nagakabalaka kun paano masustiner ukon padugayon ang P20 per kilo rice program apang iya ginpahayag nga ini ang matigayon basta magabuligay ang tanan.
