BACOLOD CITY — May isa pa ka emerging drug group nga naga-operate sa Negros Occidental nga ginatarget sang mga pulis nga bungkagon.
Sa interview sang Bombo Radyo, ginpahayag ni Police Superintendent Glenn Provido, deputy provincial director for operations sang Negros Occidental Police Provincial Office, nga 30 na ka mga miyembro sang drug group ang nadakpan, 11 ang nagsurrender pinaagi sa Oplan Tokhang kag isa ang at large ukon wala pa nadakpan tubtub subong.
Ang existing drug group suno sa opisyal ang yara sa sur nga bahin sang probinsya.
Nahisayran nga may teritoryo ang mga drug lords sa ila area of operation.
Apang gin-athag ni Provido nga iya na sang Bacolod City Police Office ang sakop sang operasyon sang una na naggwa nga si Berya Tolentino.
Ang Negros Occidental suno kay Provido ang transhipment point sang iligal nga druga apang madamo man ang nagagamit diri.
Ang supply nga nagalabay diri suno sa iya ang nagikan sa Metro Manila, iban nga parte sang Visayas kag Mindanao.
Nagalain-lain naman ang presyo sang druga, depende kun diin ini naghalin.
