Gindeklarar sang Malacañang ang Mayo 27 bilang regular holiday sa bug-os nga pungsod bilang pag-obserbar sang Eid’l Adha ukon Feast of Sacrifice sang mga Muslim.
Ginpirmahan ni Acting Executive Secretary Ralph Recto, sa otoridad ni President Ferdinand Marcos Jr., ang Proclamation No. 1264 nga may katuyuan nga mahatagan sang tion ang mga Muslim nga makasaulog sang nasambit nga okasyon.
Ang Eid’l Adha, nga kilala man bilang Feast of Sacrifice, amo ang pagdumdom sa pag-alala sa katutom ni Ibrahim sa Dios sang ginsugo sia nga ihalad ang iya anak bilang pagtuman sa kasuguan.
Base sa proklamasyon, ang National Commission on Muslim Filipinos ang nagarekomenda sang pagdeklarar sang holiday santo sa gintalana nga petsa sang Eid’l Adha nga Mayo 27, santo sa Islamic lunar calendar.
