Gindeklarar ni Presidente Rodrigo Duterte ang Mayo 9, 2022 bilang special non-working holiday para sa national kag local elections.
Sa Proclamation 1357 nga napetsahan Mayo 5, gindeklarar ni Duterte ang adlaw sang Lunes, Mayo 9, 2022 bilang special non-working holiday sa bilog nga pungsod bangud pagahiwaton ang National kag Local elections.
Gin-emphasize man sang outgoing nga pinuno ang kinahanglan sang mga botante nga gamiton ang ila mga kinamatarong sa pagpili.
Suno sa iya, kinahanglan nga ideklarar ang palaabuton nga Lunes bilang special non-working holiday agud mapahanugutan ang mga pumuluyo nga ma-exercise ang ila mga kinamatarong sa pagboto, basta magasunod lamang sa public health measures sang national government.
Ang mga Filipino ang natalana nga magpili sang bag-o nga Presidente, Bise-Presidente, 12 ka mga Senador, Kongresista, local government officials, kag party-list representatives sa Mayo 9, 2022 ukon ikaduha nga Lunes sang Mayo santo sa Constitution.
